madaxweynaha cusub ee mareykanka Donald trump oo sheegay in la shaqeynayo dowlada Ruushka

0
85

Madaxweynaha la doortay ee Mareykanka, Donald Trump, ayaa sheegay inuu diyaar u yahay inuu la shaqeeyo Ruushka iyo Shiinaha, taasise waxa ay ku xiran tahay sida ay iyagu ula shaqeeyaan.

Mr Trump ayaa u sheegay jariiddada Wall Street in cunaqabateenada dhawaan lagu soo rogay Ruushka ay sii jiri doonaan “ugu yaraan muddo” hasayeeshee markaa kaddib la qaadi doono.

Sidoo kale waxa uu sheegay in laga wadahadli karo siyaasadda Shiine Hal ah, taasi oo uusan Mareykanku aqoonsanayn Taiwan.

Dhanka kale, guddiga senate-ka Mareykanka ayaa baari doona eedaha sheegaya in Ruushku uu isku dayay inuu faragelin ku sameeyo doorashadii madaxtinimada waddankaasi.

Wareysigiisa ayuu Mr Trump ku sheegay in cunaqabateenada lagu soo rogay Ruushka ay suuragal tahay in la qaado haddii Moscow ay Washington ka caawiso dagaalka ka dhanka ah xagjirnimada Islaamiga iyo arrimo kale.

Waxa uu sheegay in uu rajaynayo inuu wadahadal la yeesho Madaxweynaha Ruushka, Vladimir Putin.

Arrinta Beijing-na, Mr Trump waxa uu sheegay in Shiinaha ay tahay inuu u ogolaado shirkadaha Mareykanka ay la tartamaan kuwa Shiinaha lacagtana uu ogolaado in suuqu sicirkeeda jaangooyo.

LEAVE A REPLY

Please enter your comment!
Please enter your name here