Wafdi ka socda Baarlamaanka Soomaali oo Khartoum kulan kula qaatay Wasiiru Dowlaha Arrimaha Dibadda Suudaan+sawiro

0
111

 

Khartum(RKGS)-Wafdigan oo ka socday Baarlamaanka Federaalka ah ee Soomaaliya oo uu horkacayo Gudoomiyaha Guddiga Arrimaha Dibadda iyo Iskaashiga Caalamiga ah Mudane Xildhibaan Cabdiqaadir Cosoble Cali iyadoona ay la socdaan Xildhibaan Professor Maxamed Cumar Dalxa iyo Xildhibaan Professor Cabdiraxmaan Aadan Ibraahin Ibbi ayaa kulan ay la yeesheen Wasiiru Dowlaha Dowlada Suudaan Mudane Kamaalu Diin Ismaaciil Saciid waxa ay kala hadleen xariirka labada dowladood ee Soomaaliya iyo Suudaan.

Kulankan oo ay goobjoog ka ahaayeen Lataliyaha koowaad ee Safaaradda Ibraahin Guure Maxamed iyo Uqaybsaha Warfaafinta Safaaradda Soomaaliya ee Suudaan Fiidow Maxamuud Fiidow ayaa waxaa looga hadlay sidii loo xoojin lahaa xariirka labada dal ee ku salaysan sidii laysaga kaashan lahaa in lays garab istaago layskuna taageero kulamada heerka caalami ah ee labada dowladood xubno ka yihiin.
Gudoomiyaha Guddiga Arrimaha Dibadda Baarlamaanka Federaalka Soomaaliya.

Xildhibaan Cabdiqaadir Cosoble ayaa ka warbixiyay xaalka wadanka uu xiligan marayo iyo in doorashooyin xiligan nagu soo fool leeyihiin, isagoo intaas ku daray Xildhibaanka in Soomaaliya xariir wanaagsan la leedahay Dowladda aan walaalaha nahay ee Suudaan.

Xildhibaan Cosoble ayaa sheegay in wadanka xiligan uu marayo bilowgia Horumarka lagana soo gudbay burburkii iyo fowdadii horay loo soo maray.
Xildhibaan Dalxa oo isna ka hadlay kulanka Wasiiru Dowlaha lala qaatay ayaa sheegay in booqashadooda Suudaan ee xiigan wax badan ka faa’ideen oo ay u baahnaayeen in ay helaan, isagoo ka codsaday in Dowladda Suudaan ay noqoto dowlad mar walba u dooda una hadasha Shacabka Soomaaliyeed shir walba oo ay ka qayb galaan.

Dalxa ayaa sidoo kale ka codsaday in Muwaadiniinta Soomaaliyeed oo la sheegay in ay ku jiraan Xabsiyada Dowladda Suudaan oo lagu eedeeyay in ay Suudaan kusoo galeen sharci daro loo fududeeyo il naxariis lehna lagu eego sii dayntooda.

Wasiiru Dowlaha Arrimaha Dibadda Suudaan Mudane Kamaalu Diin Ismaaciil Saciid ayaa isagana ka sheekeeyay xariirka hoose uu la leeyahay walaalahiis Soomaalida isagoo sheegay in uu ahaa Wasiirkii ka qayb galay shirkii Wasiirada Arrimaha Dibadda IGAD ee lagu qabtay dhawaan magaalada Muqdisho.

Wasiirka ayaa sidoo kale sheegay in Dowladaha IGAD oo Suudaan ka mid tahay mar walba xaaladda Soomaaliya ay ku garab istaagaan Dowladda Soomaaiya sidii loo taageeri lahaaa.
Wafdiga ayaa sidoo kale kulan la qaatay Golaha Xisbiyada Afrika oo xaruntooda tahay Dalka Suudaan, iyagoo la kulmay Gudoomiyaha Golahaas Dr. Naafic Cali Naafic oo horay u ahaa kaaliyaha Madaxweynaha Suudaan.

Wafdiga iyo Golaha ayaa ka wada hadlay sidii xisbiyada Soomaaliya iyo Suudaan wax badan oo xariir ah ka dhaxayn lahaa iyadoo Golahan uu yahay Gole ay ku midaysan yihiin dhamaan xisbiyada Afrika oo dhan.

Wafdiga ayaa soo gabagabeeyay Booqashadii 5-ta maalin qaadatay ee Suudaan madax kala duwan kula kulmeen.

sudan1 sudan2 sudan4 sudan5 sudan6 sudan7

LEAVE A REPLY

Please enter your comment!
Please enter your name here