Saraakiil ka tirsan Ciidanka Asluubta oo Siminaar loo furay

0
92

Siminaar lagu baranayey Hab-dhaqanka ugu fiican ,ka hortaga Addeegsiga Xoogga ,Baarida jirka iyo Xiritaanka Dadka ayaa maanta  oo ah 15  Nov, 2016 loo furay Saraakiil ka tirsan Ciidanka Asluubta Soomaaliyeed, waxaana bixinaya siminaarkan Guddiga Caalamiga ah ee Laanqeeyrta Cas oo loo soo gaabiyo  (ICRC) oo kaashanaya Taliska  Ciidanka Asluubta Soomaaliyeed.

Siminaarka ayaa waxaa furay Taliye ku xiggeenka Koobaad ee Ciidanka Asluubta S/guuto Cabdikariin Cali Afrax,  oo ay wehliyeen  Taliye ku xiggeenka Labaad ee Ciidanka Asluubta S/guuto Cilmi waasuge Colow iyo Kaaliyaha Taliyaha Ciidanka Asluubta S/guuto Sulub Axmed Firin ,waxaana Saraakiisha Ciidanka Asluubta ka tirsan ee Siminaarka loo furay ay kula dardaarmeen in ay ka faa’iideystaan casharada labarayo.

Youness Rahoui  oo ah Sargaal Hay’dda Laanqeeyrta Cas u qaabilsan Barnaamijka Dhowrista ayaa Sheegay in Hay’adda ay Ciidanka Asluubta Soomaaliyeed ka gacan siin doonto dhowrista Xaquuqda Maxaabiista Xabiyada Dalka ku xiran ,isagoo tilmaamay in ay kordhin doonaan Siminaarada ay siinayaan Ciidanka Asluubta Soomaaliyeed.

Sarreeye Guuto C/kariim Cali Afarx Taliye ku xiggeenka Koobaad ee Ciidanka Asluubta Soomaaliyeed ayaa u mahad celiyey Hay’adda ICRC, isagoo sheegay in Saraakiisha Siminaarka loo furay looga baahan yahay in Casharada la barayo ay ka faa’iideystaa,  waxaana  uu kula dardaarmay in ay ilaaliyaan Xaquuqda Maxaabiista  islamarkaana ay hab-ladhaqankooda dhowraan.

“waxaan wadnaa Qorshayaal dib loogu hagaajinayo nolosha Xabsiyada Dalka sidaad ogtihiin waxaana xoogga saarnay Qof Maxbuus ah oo xiran in aan lagu xadgudbin arintaasna waan ku guuleysanay Geed dheer mid gaaban waxaan u koreynaa in aan hormarinayo Xabsiyada dalka oo dhan” ayuu yiri Gen C/Kariin Cali Afrax

 

LEAVE A REPLY

Please enter your comment!
Please enter your name here