Soomaaliya iyo Itoobiya oo ka wada hadlay nabad-gelyada Gobolka

0
94

Addis ababa-(RKGS)-Ra’aysulwasaaraha jamhuuriyadda federaalka Soomaaliya , Cumar C/rashiid  Cali,ayaa magaalada Adis ababa kula kulmay dhiggiisa dalka Ethiopia Hailemariam Desalegn.

R/wasaaraha Ethiopia ayaa kulanka kaddib sheegay in xukuumaddiisu ay dalka Soomaaliya ka taageerayso sidii dib loogu dhisi lahaa awoodda ciidanka XDS si ay u sugaan ammaanka guud ee dalka.

Sidoo kale Hailemariam ayaa xusay in Ethiopia ay ka go’an tahay inay ka caawiso Soomaaliya wixii ay u baahan yihiin oo ay awoodaan, si dalka iyo ciidamada loogu sameeyo dib u dhis dhameystiran.

“Inkastoo ciidamadeena qaybta ka ah hawl-galka AMISOM ee Soomaalia, ay ka shaqeeyeen sidii Ammaanka loo xoojin lahaa, haddana waxaa lagama maarmaan ah in la dhiso ciidamada Soomaaliya si ay amniga Waddankooda u xaqiijiyaan,” ayuu yiri Hailemariam Desalegn.

Dhanka kale, Ra’iisul Wasaaraha Xukuumadda Soomaaliya, Cumar C/rashiid oo la hadlay warbaahinta ayaa ku ammaanay Ethiopia kaalinta ay kaga jiraan la dagaalanka Al-shabaab.

“Dowladda Ethiopia waxay gacan ka geysanaysaa sidii Soomaaliya ay u xasili lahayd, waana mid aan ku ammanayno kaalintooda muuqata,” ayuu yiri R/wasaare Sharma’arke.

Itoobiya waxaa Soomaaliya ka jooga Ciidamo ka tirsan hawl-galka midowga Afrika ee Amisom, kuwaasoo dagaallo kula jira Ururka Al-shabaab.

LEAVE A REPLY

Please enter your comment!
Please enter your name here