Tartanka Kubadda Cagta ee Gobollada oo maanta furmaya

0
78

Muqdisho(RKGS)Tartarnka Horyaalka Kubadda Cagta ee Gobolada Dalka Somaliya ayaa lagu wadaa inuu maanta ka furmo Garoonka Kubadda Cagta ee Banaadir stadium ee Magaalada Muqdisho.

Ciyaartooyda oo  ka kala timid Gobollada dalka ayaa soo gaaray Magaalada Muqdisho shalay si ay uga qeybgalaan tartanka horyaalka  kubada cagta ee Goballada dalka, iyadoo Wasiirka dhalinyarada iyo ciyaaraha Dowladda Soomaaliya uu shaciyay in ciyaaraha Gobollada Dalka ay maanta si rasmi ah uga furmi doonaan garoonka kubbadda cagta ee Banaadir.

Wasiir Nuux ayaa caddeeyay in tartankan kiisa xiga lagu qaban doono garoonka weyn ee Muqdisho stadium oo hadda ah saldhig ku meel gaar ah  u ah Ciidamo ka tirsan AMISOM, wuxuuna xusay  in ay ku rajo weyn tahay qabashada tartamo intaan ka mug weyn oo ilaa Degmooyinka Dalkoo dhan ay ka qaybgali doonan.

Duqa Muqdisho ayaa isna sharaxay ahmiyadda Maamulka Gobolka Banaadir ay ugu fadhiso marti galinta tartan ay ka qaybgalayaan Ciyaartooy ka kala socta Maamullada Dalka ka jira, taasoo muujinaysa xoojinta is- dhexgalka bulshada Soomaaliyeed.

 

LEAVE A REPLY

Please enter your comment!
Please enter your name here